要等多久才能踏足銅鑼灣新商場呢？

新商場開幕，我也「趁墟」去逛逛，但有支氣管炎的我「瀨嘢」了。

一進入商場，氣管勁過天文台，即時反映在場「空氣污染指數」，開始扯哮、咳嗽，上到誠品還在咳，周邊的人以為我有肺癆咁，你說，多尷尬呢？雖然誠品完成裝修，阿原的位置的空氣比較好，但感覺到整幢的懸浮粒子、塵埃和致敏原實在太多了，我怕氣管炎真的會發作，最後拿拿臨離開，書一頁都睇唔到，前後不夠5分鐘。嘥鬼晒啲時間！

同朋友講開，佢話：「新裝修係咁啦，大塵嘛，早就叫你一個月後去啦！」鬼知咁嚴重咩！之前新蒲崗mikiki soft opening 時，有1/3部分還在裝修，但場內好乾淨，電梯無塞塵，玻璃又清潔，最重要是空氣流通，我逗留了半小時看大電視乘涼，一次都無咳過。點會知道這個銅鑼灣新場大十幾倍，投資大，排面勁，甚至講到自己好巴閉，卻是污糟的呢？當我看見塞塵的電梯、有漬的玻璃窗，只能驚嘆這新場，怎麼連掃都懂得打好呢？唔夠人，就請人啦！！！唔好「趕絕」我們這些想行街卻氣管有問題的病患者！！

PS. 唉，等待裝修完成後一個月，空氣流暢一點再逛過。