美食博覽之搵笨公仔車仔

食物之外，車仔是另一戰場，逢counter都問有無車仔或袋送。

不少展位以套裝，或買滿一定限額送車仔，當中最多人問津的是出前一丁的兩用車仔，可拉轆或手挽，拉著時總有人來詢問此袋。「車仔套餐」值$100，聽落好像合理，但入面只包16包指定的公仔麵，對Die-Hard Fans來說固然非買不可。但對於我這等市井之民來說，16包麵加一個袋要收$100，實在不划算。本沒考慮購買，後來母親大人示意想要，唯有死死氣擠入人龍中排隊，前後不斷有人吵著不要給人插隊，睇好自己個位之類。笑了，我在想生產商笑了，人人都在爭著要，賺到笑了。