可口可樂新限定精品！

我不可多飲可樂，但又好鍾意可口可樂的精品，感謝友人分別在OK便利店和7-11推廣的「可口可樂，醒足你咁多年」活動，換領可口可樂限定精品送我，開心到暈！

晒冷先！前者的「可口可樂儲物櫈」，在OK便利店買三支500ml的可口可樂，再加$59換購（5月22日止）。後者的斜揹袋，同樣要買三支500ml的可口可樂，不過只需另加$49.9（5月28日止）便可換購。

斜揹袋的包裝很靚，舊懷的人物設計很醒目。

袋子全黑，印上白色支裝可樂和THINGS GO BETTER WITH COKE，設計型格。只可惜質料較參差，亦沒底部硬版，質素未及預計中好，決定粗用。

轉陣看儲物櫈。四邊和底部為硬咭紙，夠硬淨。布面亦無線口，手工令人滿意。

但也不及Cushion櫈蓋做得好，全用白色假皮，面上印有彩色支裝可樂和things go better with Coke的圖案和文字，好Sharp、好靚，值得收藏！如果只能二擇其一，選櫈便對了。