今天搭隧巴回家時，發生了一段小插曲。
有一對老夫婦上車，阿伯的無帶八達通，要改用零錢，司機跟他們說：「八達通兩蚊，入錢要四個七。」阿伯持續爭辯應付兩元，但司機堅持是四元七毫，拿出「公司規定」的皇牌，但爭辯愈來愈激烈，開始有火藥味。
司：「阿伯，你唔好行行下側側博唔畀錢。」
伯：「我邊有！？我咪拿緊錢出來。但明明你兩蚊，點解我要畀四個七？」
司：「我都係按章辦事！八達通兩蚊，入錢要四個七！」
佰：「好，你收聲，唔晒講嘢！你唔好再講嘢！」
一講到「唔好講野」，便知是港人想投訴的徵兆。繼續你一言我一語，阿婆頂唔順個司機，好巴辣、好大聲、好橫蠻地說：「你唔好再講嘢啦！(重複好多次) ……你以為你係乜，你只係司機呢架 (我估佢想講自己你客，大晒！)」 之後阿伯抄了司機名，又真係去投訴，司機也一嘴臉不在乎的，叫阿伯唔好抄錯，隨便投訴，因為真係無嘢可以投訴，除了他認為司機「態度很差。」
我只是覺得司機純粹是辣韾火頭炆了起來，反而覺得阿婆更不值得幫，一句你只係司機來的，活了這麼久連尊重也不懂，坐下後更立壞心祥叫阿伯小心司機會特地轉彎坐得不穩，你畀錢不等於是至高無尚，這種持老賣老，當人奴隸的心態，真的不要得！(阿佰還好啦)
而且司機只是按章子辦事，要怪的也不是司機(可能怪佢唔識做，唔識醒定定畀「放」佢入兩蚊)，他只是打工仔來的！要怪的是賺到笑仲要去加價的九巴，要怪的是定下「八達通兩蚊，入錢要四個七」的借漏洞去貪的九巴(和一大堆同意這件事的笨蛋)，即使無八達通，簡單地顯示個人長者咭便可作歲數肯定了！
你鬧我罵，谷了一肚氣；九巴開心，賺多兩個七！
沒有留言:
張貼留言